Monday, August 23, 2010

A Journey to Hate and Love (JaEvon fanfic) Ch. 2

CHAPTER II

     "Let's go" anyaya ng ninang niya.

     Tulad nang sa labas, simple lang din ang loob ng bahay. Kahit na malaki ito, ang ambiance ay napakaaliwalas. Kumpleto ang mga furnitures na puro gawa sa mga kahoy. Pagpasok pa lamang ng malaking pinto ay bumungad sa kaniya ang malaking sala na nakatapat sa glass door na nilagyan ng kulay abong kurtina sa magkabilang gilid nito. Kita ang magandang hardin na kinatitirikan ng isang swimming pool. Sa likod ng malaking upuan ay isang bintana na tinernuhan ng white and brown na kurtina. Umakyat sila sa hagdang nakakubli sa dibisyon ng malaking sala at dining room sa bandang gitna ng bahay. Huminto sila sa ikatlo at huling kuwarto na katabi lamang ng veranda. 

    "This will be your room Devon. Go inside and see it yourself. May sariling C.R. na rin yan sa loob. I'll just ask Mang Ben to bring your things here" tukoy nito sa driver nito.

    "Thank you for all the good deeds ninang. Di ko po alam kung paano kita mapapasalamatan."

    "Devon, from now on you will be my daughter. You will be my responsibility, you don't have to repay me. All I want to ask you is to be strong and finish your studies. I promised your Mom that I will take care of you" sambit nito.

     "Thank you po talaga."

     "Baka magkaiyakan pa tayo dito anak. Sige na pasok ka na sa loob" natatawang wika nito.

     Napangiti na rin siya. "Sige po. Maliligo lang po muna ako bago bumaba."

     "Just take your time hija. There are new clothes in your closet, yun na lang ang isuot mo. Magpapahanda na muna ako ng dinner, darating na rin kasi ang guwapo kong anak galing sa paglalakwatsa" nakangiting sabi nito.

     Galak ang naramdaman niya nang buksan niya ang ilaw at tumambad sa kaniya ang kabuuan ng kuwartong ookupahin niya. Kulay Cream ang pintura nito na binagayan ng bulaklaking wallpaper na kisame. Ang queen size bed na mismong nasa gitna ng kuwarto ay tinernuhan din ng bulaklaking light blue and white na bedsheet. Sa kaliwang bahagi ng kama makikita ang magkatabing malaking closet at mini drawer na pinaibabawan ng medium size na salamin. Halos lahat ng furnitures na nasisilayan niya ay gawa sa purong narra.

     Lumapit siya sa bintanang natatabingan ng kurtina na nasa likod ng kama. Kita niya mula dito ang malaking hardin na napapalibutan ng iba't-ibang halaman at ang pool na tila nanghahalina. Pumasok siya sa glass door na sapantaha niya ay ang banyo. Naroon ang kulay abong bath tub at shower. kumpleto din ang mga toiletries sa loob nito. Sa tanang buhay niya, ngayon lang siya magkakaroon ng ganitong karangyang tutulugan. Lumabas siya ng banyo at lumapit sa side table ng kama. Naroon ang picture nila ng kaniyang ina noong grumaduate siya ng high school. Gusto niyang umiyak ngunit pinigilan niya. Hindi tamang sa tuwing maiisip niya ang ina'y iiyak siya. Pinili niyang maligo na upang makausap ang kaniyang ninang tungkol sa nalalapit na pasukan.

    Pagkalabas niya ng kwarto ay nakakabingi ang katahimikang sumalubong sa kaniya. Suot niya ay maong shorts at dilaw na blouse na nakita niya sa cabinet.

     "Andyan ka na pala Devon. Pinapatawag ka na ni Maam" si Manang Lita, asawa ni Mang Ben.

     "Ah, sige po Manang. Pababa na rin po ako." sumunod siya rito patungo sa dining room.

     "Devon have a seat" wika ng ninang niya na kasalukuyang nakaupo sa dulong bahagi ng lamesa.

     Alam niyang ang anak nitong si James ang lalaking nakaupo sa kanan nito at nakatalikod sa kaniya. Umupo siya sa bakanteng upuan na nasa kaliwa kaharap si James. Pinakilala siya nito kay James. Sinulyapan niya ito na kasalukuyang matiim ang titig sa kaniya. Inis ang mababasa niya sa mukha nito and one thing is for sure, that James doesn't like the idea of her living with him and his mother.

No comments:

Post a Comment