A Journey to Hate and Love (JaEvon Fanfic) Ch. 8

Chapter VIII

     Sa bawat araw na lumipas ay naging mas malapit sila ni James sa mga bagong kaibigan. Kapag lunch time ay lagi silang sabay-sabay kumain. Meron ding mga araw na nagkakayayaan mag-gala sa mall. Pansin din ang mga namumuong pagtitinginan sa barkada nila. Si Ivan na halatang may gusto sa kababatang si Fretzie at si Tricia na halatang nagseselos dahil may gusto ito kay Ivan. Si Ann na alam niyang may gusto din sa kinakapatid niya ay napapalapit na din kay James. Sa tuwing magkasama ang dalawa ay nakikita niya ang closeness sa mga ito at hindi niya alam kung bakit parang nasasaktan siya. Si Ken naman ay nagpapahiwatig sa kaniya pero hindi niya matukoy kung may gusto ba ito sa kaniya.

     Kasalukuyan siyang nasa library kasama ang itinuturing niya ng bestfriend na si Fretzie. Kahit na medyo kalog ang kaibigan ay malalim ang pagkatao nito. Handa itong makinig at damayan siya sa tuwing naaalala ang kaniyang ina kahit a mahigit tatlong buwan na itong yumao. Hindi rin lingid dito na hindi niya pa nakikilala ang ama at ang balak niyang paghahanap dito.

     "Bes," mahinang bulong sa kaniya ng kaibigan na ikinalingon niya.

     "Bakit?"

     "Si ken andun sa may pinto tawag ka." Tumayo siya at tinungo ang kaibigang nag-aantay. Nakita niya ito sa labas kausap ang isang babaeng halatang nagpapacute dito.

     "Oh hon, andyan ka na pala," anito at inakbayan siya. Takang tumingin siya rito at tinapik-tapik nito ang balikat niya. Napangiti na lang siya at nakisakay.

     "Busy kasi hon eh. May kasama ka pala, pakilala mo naman ako."

     "Hon, she's my classmate Alice. Alice meet my girlfriend Devon."

     "Nice meeting you," namumutlang saad ng babae. "Ken I gotta go. Devon," paalam nito na tinugon niya ng tango. Pagkaalis nito ay napabulanghalit siya ng tawa gayundin ang kaibigan.

     Pabirong sinuntok niya ito. "Loko ka. Ginamit mo na naman ako para itaboy yang mga nahuhumaling sa'yo. Aba't ilang beses na'to Ken ah. Dapat may talent fee na ko niyan."

     Inakbayan ulit siya nito. "Gusto mo totohanin na natin 'to Devz para natural na lang." Nabigla siya sa sinabi ni ken at napansin nito iyon. Hinila siya nito sa may bench malapit sa library kung saan walang dumadaang mga estudyante. "Devz, I know this is not the right time to tell you this, but I really like you. The first time I saw you, gusto na kita mas lalo pa nung naging magkaibigan tayo."

     "Ken, alam mo naman diba. I'm not yet ready para pumasok sa isang realasyon. Gusto ko hanapin muna ang sarili ko."

     Napabuntong-hininga ito at tumitig sa kaniya. He put his hand on her chin and lift it up. Nakita niya sa mga mata ng kaibigan na sinsero ito. Kinapa niya ang dibdib pero wala talaga siyang nararamdaman dito maliban sa pakikipagkaibigan lamang.

     "Just don't mind what I had told you awhile ago," nakangiting saad nito pero halata parin ang lungkot sa mga mata ng kaibigan. "I'm satisfied that we're friends but I'll wait for you no matter what."

     Namamanghang tumingin siya rito. Ken is such a good guy and friend. She knows that he's a perfect boyfriend material but she can't force herself to like him back. Most of all, she's not yet ready for a relationship. "I'm really sorry," tanging nasabi niya at iniwan ito.

     "Anong nangyari bakit parang malungkot ka?" tanong ni Fretzie pagkabalik niya sa library. She told her about what happened. Pinayuhan na lang siya nito na kung ano talaga ang nararamdaman niya ay yun ang kaniyang sundin.

     Naglalakad sila ng kaibigan patungo sa cafeteria nang may umakbay sa  kaniya. Nakangiting si James ang nalingunan niya. Napansin ata nito ang mood niya kaya nag-aalalang tinanong siya nito. "Are you okay?"

     "Hay naku! Tanungin mo si Ke-." hindi na natuloy ni fretzie ang sasabihin dahil sa pagsiko niya. "Oops! My mouth talaga," eksaheradong untag nito.

     Napakunot-noo si James. "What? Tell me," anito na tila naiinis.

     "Wala yun," tanging nasabi niya at hindi na ito nag-usisa pa. Pagdating nila sa cafeteria ay kumpleto na ang kabarkada nila. Nakita niya si Ken at nginitian, gayundin ito sa kaniya. Pagkaupo pa lang niya sa tabi ni Ken ay bumuwelta na ang ang bibig ni Tricia.

     "May nakita ako kanina, di ko sasabihin," pakantang sabi nito na nakatingin sa kanila ni Ken.

     "What was that Trish? Tell us," curious na tanong ni Ann. Tumayo si Tricia at pumunta sa likuran nila ni Ken. Kinakabahan siya sa iginawi nito. "Kasi yung dalawang nasa harap ko, they're keeping a secret."

     "What secret?" korus na tanong nila Ivan at Ann, samantalang si fretzie ay tahimik lamang na nakikinig at si James ay kunot-noong nakatingin sa kanila.

    "Na silang dalawa na. Kung hindi ko pa nakita kanina ang ka-sweetan ninyo malapit sa library ay di pa namin malalaman." Bumalik si Tricia sa upuan nito. Nagtitimpi lang siya pero gusto niya na talagang sabunutan ang kaibigan. Ito lang ang ayaw niya kay Tricia masyadong madaldal  at hindi muna iniisip kung makaka-offend. "Ganito sila ka-sweet ni Ken kanina." Ginaya nito ang ginawa ni Ken sa kaniya kanina nung itinaas nito ang mukha niya. Ang nakasimangot na si James pa ang ginamit nito. Namumula siya dahil sa inis kaya di na siya nakapag-pigil

     "Will you please shut-up Tricia! Don't assume if you haven't known what happened," inis na sabi niya na ikinabigla ng ibang kaibigan dahil ngayon lang siya nakita ng mga itong magalit.

     "We're not together Trish. We were just talking some serious stuff that time kaya mali ang iniisip mo," singit ni Ken para hindi na lumala pa ang sitwasyon.

     "Sorry," nahihiyang nausal na lamang nito.

     "Okay guys, let's buy our lunch," wika ni Ann upang mawala ang tensiyong namuo sa kanila kani-kanina lang. Nakita niya si James na matiim ang titig sa kaniya. Hindi niya alam kung ano ang iniisip nito. My bumubulong sa kaniya na kausapin ito at ipaliwanag na wala talagang namamagitan sa kanila ni Ken. Niyaya ito ni Ann na bumili na ng pagkain.

      "Devz," si Ken. "Halika na. Let's buy lunch. Just don't mind Trish." Tumayo na siya at sumunod dito. Sina James at Ann ay masayang nagkukuwentuhan habang nakapila. Andun na naman ang kirot na hindi niya maipaliwanag dahil sa nakikita. Humugot siya ng malalim na hininga at nakangiting ibinaling ang pansin kay Ken.

* * * * * * * * * * * * * * * * * *

     Tahimik sa loob ng sasakyan ni Ken. Nasa backseat si Devon at mahimbing na natutulog habang binabaybay nila ang daan patungo sa bahay nila. Nakagawian na ni Ken na ihatid sila ni Devon pagkatapos ng klase nila.

     "Is it true?" tanong niya na binasag ang katahimikang namayani.

     "True what?" takang-tanong ng bestfriend niya habang nakapako ang mata nito sa daan.

     "That you and Devon are-" hindi na natapos ang sasabihin niya dahil sa pagsingit nito.

     "No dude. We're not. Alam mo naman yun si Tricia, makakita lamang ng kung ano eh binibigyan na ng malisya." Tumahimik siya sa sinabi nito. He shouldn't be affected if ever they are together pero iniisip niya pa lamang na maaaring mangyari iyon ay parang sasabog na ang dibdib niya at hindi niya alam kung bakit.

     "Why pare? Are you worried that if ever kami ni Devon ay lolokohin ko lang siya?" natatawang saad nito.

     "Honestly, yes," biro niya sa kaibigan.

     "Whoa! Grabe ka dude. Ikaw. Kamusta naman kayo ni Ann?" at nakakalokong tumingin ito sa kaniya.

     "What?! We're just friends."

     "Talaga lang ha. But, I think she likes you."

     "Well, she's pretty and cool but absolutely not my type."

     "Woh. Oo nga pala ang type mo eh yung tulad ni Devon na morena at magandang ngumiti. Kung di nga lang kayo nakatira sa iisang bahay baka isipin kong may gusto ka diyan sa kinakapatid mo." Napangiti na lang siya sa sinabi ng kaibigan. Nakita niya si devon sa rear-view mirror na umunat at unti-unting dumilat.

     "Sleeping beauty is now awake," untag niya at bigla siyang napahiyaw dahil sa pagpalo nito sa balikat niya.

     "Tigilan mo ko James kagigising ko lang baka di lang yan ang matikman mo," tila naaalimpungatang sabi nito na ikinatawa nilang dalawa ni Ken.